Өвөрлөгчийн тавилан
Өвөрлөгч түмэн минь
Өөрөө хүсээгүй тавилан минь
Хүсэвч буцааж өгөхгүй
Хүнийх болсон Монгол минь
Хаяа хатавчаар нутагтаа хаягдаж
Халх Монголынхоо өмнөөс золиослогдож
Хиагтын гэрээ нэртэй их гүрнүүдийн наймаагаар
Элгэн садан Монголоосоо аврал эрж бүлтэлзсээр
Эрээн луутай хөнжилд нулимастай шургасан гүнж минь
Хонь адууных нь хормой бэлчээрт
Хоёр улсын дархан хилтэй
Алтан соёмбот хилийн баганыг
Алхая гэвч хориг цээртэй
Нутаг бэлчээрээ анжисаар хагалуулж
Нугалаа завхралд хүнээ хядуулж
Эзлэгдэж,эзэрхийлүүлж дарлагдсан ч
Ир нь мохоогүй ээ түүх гэрчилдэг юм
Их гүрний ганзаганд даруулаастай ч
Итгэл нь мөхөөгүй ээ Монголдоо л тэмүүлдэг юм
Тусгаар тогтнолын үнийг үеийн үедээ сануулан
Тулгар төрийнхөө галыг үрийн үрдээ сахиулан
Үүрмээргүй,туулмааргүй тавилан
Үзмээргүй,эдэлмээргүй зовлон
Өвөрлөгч түмэн минь
Өөрөө хүсээгүй тавилан минь ээ
2012-10-15
No comments:
Post a Comment